踩roller呢家野睇人踩就開心，好似我咁人唔高腳又細過人(37號)，踩住對FR出街 踩又比人慢 路又比人震多D。成日諗住用速滑鞋4隻110轆踩但係果個夾腳既感覺真係唔係人人受到，結果都係要用4X90既刀架。 近期見到SEBA出左一副三轆架叫310Frame，有新野就緊係睇睇咩料啦  原來310既意思係3隻110轆，見到除左用係平花比賽既速度繞椿之外仲可以用埋黎踩街啦，諗都唔洗諗訂返副返黎先啦！咪住先，110轆唔係用係速滑上面架咩，如果係用得我洗咩捱咁耐90架？！原來呢副架係165MM孔距，一般唔係玩速滑同極限既話都會係165孔距，如果唔知係咩既簡單D拎把間尺度下你對鞋用黎上底座螺絲果個位。 入返正題，睇下相先啦 實物圖(刀架)  實物圖(穿釘/Spacer/六角匙)  實物圖(橫橋)  刀架一如以往咁整潔，後面有個”S”字既設計，黑啞色既質料帶出沉實既感覺。 零件方面提供多左兩枝穿釘同spacer，睇黎係為左比用家可以當後備用之餘，仲可以帶多兩隻轆係身隨時換轆玩速樁 一般黎講刀架就咁踩下街都唔會點變形除非好激烈架ja；但係如果要玩埋平花，橫橋係不可缺少既一個部份，無左橫橋既話扭力太大既動作就會令到刀架變形，而呢副310前後都有橫橋鎮守住，令到踩街又好平花又好都穩穩陣陣唔怕變形。   短就短過90架啦，同80架差唔多長但係相比之下就就靈活得多啦 因為少左一隻轆就少左個接觸點，真係要唔壓刃轉彎都方便得多；加上本身用左110MM轆之後成個人高左，壓刃果陣動作大左又型D，出街踩果陣都幾吸引目光架 踩Roller果陣既轆越大慣性就越好，一個人80MM一個人110MM，頭幾下可能分別唔大但係踩落之後距離就越黎越遠，由其係上斜既時間，慳水慳力就上曬成條斜。 上返張實裝相先  |
Powered by Discuz! X3.4
© 2001-2017 Comsenz Inc.
