一年四季十二個月都係去旅行既好日子,春天睇櫻花夏天去潛水秋天睇楓葉冬天去滑雪,任何月份都有去旅行既原因。今次小弟我— 啊滔揀左今年七月去日本沖繩呢個地方旅行……渡假岩聽少少,叫渡假係因為沖繩無野好買,如果想瘋狂購物既都係去返東京大阪;除左去吹下海風游下水享受一下人生之外,今次既旅程帶埋私伙野過去玩— 帶住Roller去旅行。 呢次係第一次去外地踩Roller,先前就當然做少少資料搜集睇下當地既Roller資訊啦,連日既搜尋之下發現原來沖繩無咩資料可言,當地有一個真雪溜冰場以及一個室內滾軸溜冰場位於一個商場入面,無計啦日本既代步工具主要以單車為主,連滑板車都少見,到時膽粗粗踩左先算。 我都係第一次去沖繩,所以我都無咩諗過計劃一條路線去踩,最主要都係想係大街小巷穿插下,感受下係唔同地方。由於我係換酒店住既關係,所以都係圍繞係酒店附近,一來人生路不熟,踩太遠怕行錯路,二來唔係一個人去旅行,唔可以單獨玩太耐。 一對SEBA TRiX 310 一對 SEBA FR1 配 76MM發光轆,到時有大直路就大轆,上落斜多就細轆,係香港踩慣踩熟要大轆都無所謂,人在外地就唔玩咁癲,要享受享受。路線方面都係去到目的地之後先搵附近既路段,所以路程比較短 路線一 由超級市場去海邊既酒店,由於酒店附近無咩野食,所以要出去買下零食 踩埋入超市都無問題,最多都係比人用好好奇既眼光望下,無比人趕出去唔知佢地對Roller係咩睇法呢 圖中既路段並唔係想象中咁平坦,來往酒店同便利店要經過一大段山坡,踩Roller一直都講上斜容易落斜難,加上酒店門口係一大片碎石地,所以係來往便利店既路途都幾辛苦 仲買左煙花插係對鞋玩(希望拍出黎既片係睇到有野) 加插360相片 Post from RICOH THETA. #theta360 - Spherical Image - RICOH THETAhttps://theta360.com/s/bmHOd89UdjyMcEwv5y0WolMwu Post from RICOH THETA. #theta360 - Spherical Image - RICOH THETA https://theta360.com/s/mwcareGHwMtimgHTheOa6ZYmK 路線二呢一條路係想踩既地方,坐巴士去海洋館果陣諗住睇下條路點行踩唔踩到,不過成條行人路都係上斜落斜而且雜草叢生,無辦法做到好既減速,所以只可以等下一次既機會睇下清曬雜草未 路線三 呢條係踩得最耐最好玩既路線,由酒店出發踩過去國際通。 國際通係我去過既地方最多野睇最多野買既一條街道,一條馬路兩邊都係鋪頭比旅客行街食飯買下手信 片黎講因為小弟技術有限,應該要係下個post出,睇下相先 Post from RICOH THETA. #theta360 - Spherical Image - RICOH THETA https://theta360.com/s/E0Qs7C5VMxCxdi0itt8J3dBc Post from RICOH THETA. #theta360 - Spherical Image - RICOH THETA https://theta360.com/s/alVGilXcLciBhFTyLXcO1mnbw Post from RICOH THETA. #theta360 - Spherical Image - RICOH THETA https://theta360.com/s/iKP8dWqm0CHegrO223fRbqejk Post from RICOH THETA. #theta360 - Spherical Image - RICOH THETA https://theta360.com/s/bpJ1zbFwwuLkD4UiytwFlWw5M 最尾呢張相係一位日本人踩住單車同我傾計,閒談中得知佢都係一個滾軸溜冰愛好者黎,只係沖繩那霸呢邊其實係無咩人踩所以佢都用返單車代步,而係名護市果邊更加只有來自名護既佢有踩Roller,所以見到我呢個外來人士係度踩Roller覺得好意外。 小遊記去到呢度要停一停,所以影片都會係整理完成後再分享比大家。 打多一段野先 多謝日本Pokemon Shop送左頂皇冠比我戴住周圍踩。只要你係果個月份生日,拎埋你本護照入去比職員睇就會有小禮品送比你祝你生日快樂,所以好難先有呢頂皇冠!!! |
Powered by Discuz! X3.4
© 2001-2017 Comsenz Inc.