 又係我Oliver喇 頭先無無聊聊諗住睇下RollerBlade D鞋 睇睇下Click左入一個RollerBlade既陳年網頁小遊戲(官方der~~~) 就咁睇個呢網頁小遊戲應該都係好好好多年前既產物 但係又意外地好玩同有心思 首先佢有4個MODE你玩  Street，Speed，Fitness，Kids 每個MODE既遊戲都完全唔同 第一個係Street Mode  玩家要控制住一個踩特技roller既角色 係一條落斜欄杆上面平衡(用Mouse左右移) 再係你PK之前用Mouse Click一下跳落地 你係個欄杆上面Hold得愈耐就愈高分 BTW我個人覺得呢個MODE最悶 第二個係Speed Mode  玩家要控制住一個速滑roller選手 用你Keyboard上左右控制加速同轉彎 睇落呢個Mode就冇咩特別好似一味9衝去終點 其實當中有D tricky位既 就係你唔可以一味禁實個加速唔放 因為你速度太快會轉唔切彎炒車 所以有時過D大彎要收收油 但係收得太多又會慢哂 玩家要自己小心拿掐 (呢個位踩真roller一樣, 幾有心思我中意) 第三個Fitness Mode  玩家控制住一個休閒Skater 一路避開路上障礙物一路前進 路上有勁多唔同障礙物如減速路障，渠蓋，本頭，繩(!?)等等 你要用keyboard既上下左右避開 去到愈遠愈高分 (同真實踩街一樣, 有唔同障礙物唔同突發情況) 最後係Kids Mode  呢個Mode只係需要用space bar一次 玩家係一個未死過既屁孩 由斜路衝到落底 搵雪糕伯伯(其實都唔知叫唔叫佢伯伯好，成隻豬咁款)買雪糕 你唯一要做既就係用space bar幫佢剎停 太早停會去唔到個伯伯度 (丫唔識踩多兩步既) 太遲停早炒埋個伯伯度 成功買到雪糕就係你既目標！！！ 整體黎講以一個殺時間Flash game黎講都唔錯架喇 尤其係佢當中一D小細節會令我地呢D真．Roller玩家會心一笑 (如太快會轉唔切彎, 剎制膠停時機等等) 自己CLICK入黎玩下啦 |
Powered by Discuz! X3.4
© 2001-2017 Comsenz Inc.
